Amalurra zain dezagun !

Lurzaindiak laborantxarako lur (irauli daitezken alorrak) batzu eskuratu ditu Domintxaine herrian. Orain, aurkezte deialdi bat antolatzen du norbaitek lur horien landu ahal ditzan.

 Domintxaine-Berruetan, kadastratuak diren lurrak:

-          C1190 : 2ha 31a 20ca

-          C2256 : 1ha 88a 45ca

 

 Lurren bisita baten egitea proposatua zaizue 2015/08/20an

Hitzordua 10:00tan Lohitzune Oihergiko herriko plazan.

Izenak eman E-mail hau spam roboten kontra babestuta dago. JavaScript aktibatuta izatea behar duzu hau ikusteko. edo 07 81 59 65 77

 

Zuen kandidaturak (proiektuaren aurkezpena + motibapen gutuna) igor ondoko helbiderat 2015/08/31a aitzin :

 

LURZAINDIA

Haize Berri – Bourg

64 120 OSTABAT ASME

 

Edo mailez :

E-mail hau spam roboten kontra babestuta dago. JavaScript aktibatuta izatea behar duzu hau ikusteko.

 

Soilik elkarrizketa batetara deituak izanen diren kandidatuak, kontaktatuak izanen dira.

 Proiektua laborantxa biologikoan izaitea hobe.

 

Irailaren 15a aitzin ez baduzue erantzunik ukaiten, horrek erran nahi du zuen kandidatura ez dela atxikia.

Zenbait hilabetetik aurrera, Lurzaindiak Instalazio-Transmizio Sarean parte hartzen du, Euskal Herriko laborantza garapen elkarte batzuekin (EHLG, BLE, AFOG, ELB).
2014an, ikusiz zein ziren beharrak eta eskasak instalazio-transmizioa laguntzeko, sare honek gogoeta bat eraman du laborantza proba gune baten eraikuntzaren inguruan.

Laborantza proba gune bati esker, proiektu eramaileei egiazko baldintzetan heien egitasmoa saiatzeko eta balidatzeko aukera emaiten die, bainan juridikoki arriskuak mugatuz.

Laborantza proba guneak, proiektu eramaileari eskaintzen dio :

  • Araudi ingurua : zuzenbide, fiskal eta kontable ostatatzea.
  • Laguntza ingurua : formakuntzak, segimena, aholkuak.
  • Inguru fisikoa : erabili daitezkeen lurrak, eraikuntzak eta tresnak...

Ikerketa bere hirugarren eta azken fasean da, eta aterabide ezberdinak gogoetatuak dira inguru hauen gauzatzeko.

Ekainaren 29an, Lurzaindiak azken urrats honetan parte hartuko du, HERRIKO laborantza proba gunearen sormena gauzatzeko.

2015ko Maiatzaren 15an, Lurzaindiaren Ohiko Batzar Nagusia Hazparnen iragan da.

Lurzaindiaren kudeatzaileak, ERNE SAS-ak, 2014ko kudeaketa bilduma aurkeztu digu. Hor ziren akziodunei 2014an Lurzaindiak eraman dituen ekimenak aurkeztuak izan zaizkie, bai eta ere diru egoera.

Giro goxoan elgarrekin solasteko eta eztabaidatzeko aukera izan da ere.

IMG00187-20150515-2057IMG00186-20150515-2056

Afrikan, Senegal, Zentroafrikan eta Kamerunen, 15 urte iragan ondotik humanitario arloan lan egiten, Euskal Herrian kokatzea bere familiarekin erabaki du Myriamek. Bere familiak aspalditik etxe bat bazuen Xiberun. Honi esker, Euskal Herria betidanik ongi ezagutzen du eta hortarakotz erabaki du hemen bizitzea.

Myriam 2

Zergatik Lurzaindia ? « Lurzaindiaren mamia eta ibilmoldea elkarteetatik hurbila da. Azken urteetan Afrikan, horrelako egiturei atxiki naiz. »

Ez bada laborantza mundutik zuzenean heldu, Myriamek laborantza gaiak hurbiletik ezagutu ditu Munduko Elikadura Programan lan egin duelarik. Lurzaindian lan egiteko motibapen nagusia : « Bizi naizen lurraldeko gai nagusi batean parte hartu, serioski engaiatzen diren jendeekin ! ».

Lurzaindian, Myriamek bidean diren eroste eta kokapen txostenak segitzen ditu, ekimen ezberdinak , komunikazioa, akziodun eta partaideen harremanak eta egituraren eguneroko bizia kudeatzen ditu. Ongi Etorri Myriami !

LURZAINDIA gaur egun :

  • 374 ha laborantza lur
    20 etxalde
  • 29 laborari
  • 3175 akziodun

Gurekin elkartu !

Edozein pertsona fisiko edo morala LURZAINDIAren akziodun izan daiteke. Pertsona, herri, herri-elkargo, elkarte eta enpreseri zabaltzen dugu deia.

btn souscription eu

Azken berriak

La lettre d'info

logo newsletterPour vous abonner à la
Lettre d'information de Lurzaindia

Facebook

facebook logoRetrouvez-nous
sur Facebook