Amalurra zain dezagun !

Zenbait hilabetetik aurrera, Lurzaindiak Instalazio-Transmizio Sarean parte hartzen du, Euskal Herriko laborantza garapen elkarte batzuekin (EHLG, BLE, AFOG, ELB).
2014an, ikusiz zein ziren beharrak eta eskasak instalazio-transmizioa laguntzeko, sare honek gogoeta bat eraman du laborantza proba gune baten eraikuntzaren inguruan.

Laborantza proba gune bati esker, proiektu eramaileei egiazko baldintzetan heien egitasmoa saiatzeko eta balidatzeko aukera emaiten die, bainan juridikoki arriskuak mugatuz.

Laborantza proba guneak, proiektu eramaileari eskaintzen dio :

  • Araudi ingurua : zuzenbide, fiskal eta kontable ostatatzea.
  • Laguntza ingurua : formakuntzak, segimena, aholkuak.
  • Inguru fisikoa : erabili daitezkeen lurrak, eraikuntzak eta tresnak...

Ikerketa bere hirugarren eta azken fasean da, eta aterabide ezberdinak gogoetatuak dira inguru hauen gauzatzeko.

Ekainaren 29an, Lurzaindiak azken urrats honetan parte hartuko du, HERRIKO laborantza proba gunearen sormena gauzatzeko.

2015ko Maiatzaren 15an, Lurzaindiaren Ohiko Batzar Nagusia Hazparnen iragan da.

Lurzaindiaren kudeatzaileak, ERNE SAS-ak, 2014ko kudeaketa bilduma aurkeztu digu. Hor ziren akziodunei 2014an Lurzaindiak eraman dituen ekimenak aurkeztuak izan zaizkie, bai eta ere diru egoera.

Giro goxoan elgarrekin solasteko eta eztabaidatzeko aukera izan da ere.

IMG00187-20150515-2057IMG00186-20150515-2056

Afrikan, Senegal, Zentroafrikan eta Kamerunen, 15 urte iragan ondotik humanitario arloan lan egiten, Euskal Herrian kokatzea bere familiarekin erabaki du Myriamek. Bere familiak aspalditik etxe bat bazuen Xiberun. Honi esker, Euskal Herria betidanik ongi ezagutzen du eta hortarakotz erabaki du hemen bizitzea.

Myriam 2

Zergatik Lurzaindia ? « Lurzaindiaren mamia eta ibilmoldea elkarteetatik hurbila da. Azken urteetan Afrikan, horrelako egiturei atxiki naiz. »

Ez bada laborantza mundutik zuzenean heldu, Myriamek laborantza gaiak hurbiletik ezagutu ditu Munduko Elikadura Programan lan egin duelarik. Lurzaindian lan egiteko motibapen nagusia : « Bizi naizen lurraldeko gai nagusi batean parte hartu, serioski engaiatzen diren jendeekin ! ».

Lurzaindian, Myriamek bidean diren eroste eta kokapen txostenak segitzen ditu, ekimen ezberdinak , komunikazioa, akziodun eta partaideen harremanak eta egituraren eguneroko bizia kudeatzen ditu. Ongi Etorri Myriami !

Joan den martxoaren 13an, Akitaniako elkartasun-finantza kolektiboaren bilkura eraikitzailea Baionan iragan da. « Aquitaine Active » elkarteak gogoeta bat eraman du ibilbide kolektibo baten inguruan, eragile ezberdin hauen elkartzeko helburuarekin :

• Elkartasun-finantza erabiltzen duten eragileak.

• Elkartasun finantza banko eragileak.

• Elkartasun-finantza bultzatu nahi duten lurralde elkargoak.

6 hilabeteko « ikerketa fase » baten ondotik, kolektiboaren inguruak argituak izan dira, bai eta ere bere helburu eta ibilmodeak, lehen ekintza plana batekin.

Elkartasun-finantza kadenaren oroimena

schema

Gauregungo kolektiboaren helburuak :

• Elkartasun-finantzaren eragileak eta heien partaideak federatu.

• Elkartasun-finantza baloratu.

• Bere ekintzak ezagutarazi : eragileen aniztasuna eta ibilmodeak.

• Bere garapena lagundu bikaintasun helburuarekin : Akitania lehen eskualdea izan dadila sailkatze nazionalean, tokiko elkartasunezko aurrezki tresna ezberdina asko garatuz.

Joan den martxoaren 27 eta 28an, Lurzaindia Bretainiara gomitatua zen.

Martxoaren 27 an lehenik, MarieChristine Elizondok eta Nathalie Suzannek « Terre de Liens Pays de la Loire » elkarteko taldea topatu dute. Gure misioak, lan metodoak eta helburuak elgarrekin aipatu ditugu. « Notre Dame des Landes » aireportu proiektuaren aurkako taldeak topatu ditugu ere, eta ZADa bisitatzeko aukera ukan dugu, COPAINS kolektiboko Cyril Boulignard-ekin. Gaualdia, la Vacherit-en bukatu da, Lurzaindiaren aurkezpenar eta ZADaren etorkizunaren aipamenarekin.

Lurzaindia-bretainia1

29an, larunbatez, Lurzaindia Bretainiako « Terre de Liens » elkarteko batzorde orokorrara gomitatua zen, Logonna Daoulas-en, Brest-en ondoan. Han Lurzaindia aurkeztu dugu ere, eta Terre de Liens elkarteko kideekin eta Bretainiako GFA ezberdinekin solas egin dugu.

Lurzaindia-bretainia2

 

Esker bero bat Bretainarrei !

LURZAINDIA gaur egun :

  • 379 ha laborantza lur
  • 21 etxalde
  • 30 laborari
  • 3432 akziodun

Gurekin elkartu !

Edozein pertsona fisiko edo morala LURZAINDIAren akziodun izan daiteke. Pertsona, herri, herri-elkargo, elkarte eta enpreseri zabaltzen dugu deia.

btn souscription eu

Azken berriak

La lettre d'info

logo newsletterPour vous abonner à la
Lettre d'information de Lurzaindia

Facebook

facebook logoRetrouvez-nous
sur Facebook